Jack:「唔使煲Level,变化够多」《斗阵特攻》终极‧判

  • 作者:
  • 时间:2020-06-07
Jack:「唔使煲Level,变化够多」《斗阵特攻》终极‧判

《斗阵特攻》(Overwatch)都出咗一个星期有多,呢个星期我差唔多晚晚撚佢三、四粒钟,自问对呢只Game都叫做有返咁上下心得,都係时候可以同大家分享一下,做返个终极点评。

前文提要……

如果呢个时候仲有人问咩係《斗阵特攻》,究竟我应该要唔要再花时间同佢「试简单阐述之」呢?如果你係其中一个呢类人,咁唔该你去呢度同埋呢度自己睇返,我就唔再喺呢到花篇幅讲喇。唯一要提一提就係,无论係实体版定係数码下载版,PS4及Xbox One呢两个Console平台都係只得英文版,冇中文版嘅,如果一心只想玩中文版(英文语音、中文字幕),咁就只有PC版。点解会咁?我都想知,不如你帮我问问Blizzard好冇?

Jack:「唔使煲Level,变化够多」《斗阵特攻》终极‧判
◆ 依家有21个角色俾大家拣,我亦好相信之后一定会出新角色俾大家,但应该都唔会係Free。Jack:「唔使煲Level,变化够多」《斗阵特攻》终极‧判
◆ 每个Game完之后都有投票,得5票者可得金奖章,会奖大量EXP,而EXP係用嚟提升玩家级数。玩家级数高唔一定代表佢劲,亦可代表佢玩得耐罢了。Jack:「唔使煲Level,变化够多」《斗阵特攻》终极‧判
◆ 每次玩家Level提升一次就会得到一个Loot Box,打开佢会奖游戏金币、角色Skin、角色对白、角色出场动画、角色胜利Pose、角色造型或角色专用喷画样版,全部Random出,通常会跌4件Item。Jack:「唔使煲Level,变化够多」《斗阵特攻》终极‧判
◆ 玩家亦可以用游戏金币买前面讲嘅嘢,等唔切甚至可以课金。不过以上呢啲Item都唔会影响到角色能力,顶多係用嚟威咁大把。

英雄为本

好多人都问我:「《斗阵特攻》摆明抄《英雄联盟》,咁仲有咩咁好玩?」其实呢,两只Game又真係可以话係相似,但其实又唔係真係好似。两者都係以英雄做单位,不过《斗阵特攻》就以FPS为基本元素,游戏入面好多角色都係拎枪,但如果你唔叻用枪都唔紧要,你仲可以有Melee角色或补师等呢啲角色可以拣。而家买Game无论係PC版定係Console版,游戏都收录有21个英雄角色,呢21个角色主要分成4大类,分别係拥有高DPS嘅Offense角色、可以透过唔同配备进行防守嘅Defense角色、拥有高血量一击即杀能力嘅Tank角色、以及主要补血或为队友Buff / Nerf对手嘅Support角色。呢4大类入面就各有唔同玩法嘅英雄。我认为成只Game其中一个精髓就在呢班英雄。

咁边个英雄最好用?

呢条问题我呢个几星期俾人问咗好多次。答呢条问题前,首先有必要讲解一下游戏入面「英雄」係乜一回事。「Overwatch」其实係一个世界性保安组织,即係嗰啲咩「地球保卫队」嘅Friend,详细故仔大家可以去返官网睇,有片有漫画,好齐。我觉得成只Game目前21个角色入面,有几个係好合新手用,如果你都係刚踏入《斗阵特攻》呢个世界,或者可以参考一下我嘅建议,先练好一两只唔好成为「The Weakest Link」先,然后先再练其他角色。


Offense之选

我会推荐新手玩家用Solider:76(士兵76),尤其係玩开FPS嘅朋友,因为呢个角色係一个单纯射击嘅角色,兼且自己有得Dash,可以自行加速,加上有自行锁定目标嘅大技,易用到爆!

Jack:「唔使煲Level,变化够多」《斗阵特攻》终极‧判
◆ Solider:76Jack:「唔使煲Level,变化够多」《斗阵特攻》终极‧判
◆ 玩FPS一定轻鬆上手。

Defense之选

(堡垒机兵)呢个防守型角式机动性真係好一般,但当佢变型成炮台之后,即时变得好犀利!你谂下,你仲可以随时由炮台变返做机械人,亦即係你係一个流动炮台,附加有得自己Heal,大技係可以变成一台好重火力嘅坦克,用嚟守阵真係一流!

Jack:「唔使煲Level,变化够多」《斗阵特攻》终极‧判
◆ BastionJack:「唔使煲Level,变化够多」《斗阵特攻》终极‧判
◆ 可以随时于炮台同机械人变嚟变去。

Tank之选

「盾佬」(莱因哈特)最巴闭就係佢个盾,自己人企个盾后面特击係可以穿过个盾,个盾仲识得自己回复,摆佢最前帮手开路係好用。攻击方面,有个大大嘅火箭鎚,DPS低但做到嘅伤害好高,识得用係好好用。另外仲有一招係Dash,係成个人冲埋目标到直到撞埋墙为止,好多时係一下就可以将敌人撞死;仲有一招远距技係好似军刀咁,我自己就觉得麻麻好用,叫做好过冇。大技方面,係用个火箭鎚大力打地下,属于大範围攻击,对手被打中会即时打落地唔识郁,呢个时候队友就可以走埋去收Place!

Jack:「唔使煲Level,变化够多」《斗阵特攻》终极‧判
◆ ReinhardtJack:「唔使煲Level,变化够多」《斗阵特攻》终极‧判
◆ 锺意乱冲乱撞啱晒。

Support之选

支援方面,Lucio(路西欧)会係一个好选择,首先佢本身行得快,而且佢同时具有补血同加速嘅能力,大技係大範围超量补血,用嚟帮手冲阵非常好用。新手可以先集中做补血呢个角色,上手之后就可以补血及加速不停互换。对于要抢阵地一类玩法嚟讲,有Lucio喺到为全队加速,係正嘅!

Jack:「唔使煲Level,变化够多」《斗阵特攻》终极‧判
◆ LucioJack:「唔使煲Level,变化够多」《斗阵特攻》终极‧判
◆ 加速同补血都靠佢。

12张地图太少?

呢个问题,我一半认同啦,俾几百蚊买只Game当然会希望得到更多,依家得12张地图,而且当中有几张仲係只属于某啲Game Mode先会玩得到,所以好快就重複。因为每一局Game顶多30分钟就完成(每个Game会随机选一个模式及地图一张,然后两边完成一场比赛后就攻守互换,我就视之咁为一局),虽然玩一晚好多时会玩到同一个地图三至四次,但因为节奏快,好快就完Game,而且每次面对嘅对手都唔一样,佢哋进攻及防守嘅方式都唔同,反而大家都开始掌握到每个地图对于防守及进攻有利嘅位置,为咗抢呢几个位而扭尽六壬,所以唔只係考眼界,仲考埋玩家嘅应变力及策划力,成件事好好玩。

Jack:「唔使煲Level,变化够多」《斗阵特攻》终极‧判

◆ 抢阵地係我觉得目前最好玩嘅一个Mode,两队要抢夺地图入面指定地点,边一队成功佔领并等时计捱到去100秒就算赢。

Jack:「唔使煲Level,变化够多」《斗阵特攻》终极‧判

◆ 推车又係另一个Game Mode,将车由起点推去终点为攻,守方则係防止架车推到去终点。只要己方有队员企近架车,架车就会郁:攻方企过去架车会向前行,守方企过去架车就会倒车,两边一齐掂到架车或者冇任何人掂到就唔会郁。

Jack:「唔使煲Level,变化够多」《斗阵特攻》终极‧判

◆ 话说如果係守阵地的话,我同一班朋友係用呢个阵,2个阿伯起砲台,再加3个机械人转成座地炮,全部守角位,Sniper高位捉人打同执鸡,可以讲到目前为止係未输过,虽然我都觉呢个阵好贱格下流,不过胜利更加重要!

当然并非完美

如果你仲信呢个世界会有完美,我只能讲你真係好天真好傻。要数《斗阵特攻》嘅不完美之处,首先就係Matchmaking个系统非常有问题,好多时一个人入Game,都要花半分钟去搵Game。佢个Matchmaking系统我觉得同《LOL》相近,打个比喻,如果有一边有3个玩家係来自同一个Group,咁个系统就会儘量搵另一个3人Group去对面Team,咁样睇其实好似好公平,但咁就令Matchmaking时间大幅延长,尤其当玩家基数唔係多嘅时候,搵Game搵好耐呢个情况会更严重。

另外每场比戴完结后,系统係会Keep住两Team人继续下场比赛,而唔会每场再搵。当你同拍档比对手有优势嘅时候当然会觉得冇所谓,但相反如果大家拍着猪一样嘅队友,就会好X痛苦,最后只好Leave Game再重新做Matchmaking,即係又要再等。

讲到Leave Game又有一个问题,就係来自Grouping。你可以嚮Game入面个「Social」选项中开一个Group,然后加最多5个人入去出去打,入咗Group嘅可以用Group Chat。Group Leader可以邀人入Group,其他人亦可以要求申请入Group,问题正在呢到。如果你玩Console版,而你又係Group Leader,又咁啱有人要求入你个Group,你就会见到画面顶有个Box,係话收到一个入Group申请问你批唔批,而答案就係选择Yes(Y)或No(N)。我玩PS4版每次见到呢个Box都会起火,因为手掣上根本搵唔到Y或N掣,而且我试过按过手掣上所有按钮都冇反应,最后都係要出返PS4个主画面,再邀返个人入Game,咁先可以入到Group!你以为咁就叫烦?仲未呀!当成Group人想Quit Game去搵过另一队人打时,Group Leader一Quit Game,就会成个Group自动解散,然后嚮大家搵Game之前,就要搞一大轮Grouping嘅工序,咁先叫真正嘅烦!

至于有人就话地图同游戏模式太少,呢个就真係两睇,俾好多模式大家,又係唔係真係玩得晒先?而家咁样都唔係唔好,规则简单;地图少但愈玩愈觉得每张图都有佢吸引力,更可以睇到Blizzard于地图设计方面真係花过心机,细緻度高,地图入面仲有唔少位甚具互动性,大家玩时可以多多发掘一下。

Jack:「唔使煲Level,变化够多」《斗阵特攻》终极‧判

◆ 有图有真相,用咗7分几都搵唔到一个Game,结果我Cancel咗再搵,3分钟后就有得玩,即係前后等咗十几分钟,离晒大谱!

Jack:「唔使煲Level,变化够多」《斗阵特攻》终极‧判

◆ 每次收到呢个Request,我就想话:Blizzard呀Blizzard,呢个Bug真係冇理由会出现,由PC直Plot过来唔係问题,但Console手掣何来搵个N键呀大侠?

总结

纵使唔係完美,但《斗阵特攻》可以讲係我目前其中一只玩得最开心嘅多人线上游戏,一来因为我自己锺意玩枪Game,而且节奏又快,十几分钟就完一局,又唔使话要升Level。因应每个Game嘅唔同发展而要转英雄去应对,令到游戏嘅可变性高好多。如果同埋朋友一齐玩,成件事係更加开心好玩。当然,你可能会觉得用三百几蚊买只只有21个角色同12张地图、一定要Online玩嘅Game好似唔多值,但当你玩过,你就明白呢只Game嘅吸引力,到时你就明点解《斗阵特攻》于一个星期全球全平台卖出超过700万套,我冇点你嘅!

《Overwatch斗阵特攻》

游戏开发:Blizzard Entertainment

游戏发行:Blizzard Entertainment

游戏类型:FPS

游戏人数:6 vs 6

游戏平台:PC / PS4 / Xbox One

推出日期:5月24日

售价:约$450(PC版)

   约$360(Console启元版)

官方网页: http://tw.battle.net/overwatch/zh/blog/