Jack:「中毒度高,值得期待」全港首试《Sid Meier

  • 作者:
  • 时间:2020-06-07
Jack:「中毒度高,值得期待」全港首试《Sid Meier

我真係想话,2K今年对我真係够晒好!点解咁讲?好多人都知我係好锺意玩回合制战略游戏,今年2月2K先出只《XCOM 2》,跟住到10月就有《Sid Meier’s Civilization VI》(中文名叫《文明帝国》,后面简称「Civilization VI」),2只重磅作同年推出,我真係开心到跳起Yeah咗几转!更开心就係早前2K搵咗我去试玩《Civilization VI》,全港独家首试,我觉得我自己係威喎!

自吹自擂完毕,入返个正题先。《Civilization》呢个系列绝对係一只典堂级游戏,第一集早于1991年9月于PC平台上推出,当时仲係DOS年代呀!要玩就要先入Windows 3.1 再开,对于好多后生一代嚟讲可能唔知係咩一回事,但对我呢类骨灰级玩家嚟讲,《Civilization》嘅意义就係特别深。今年係《Civilization》系列嘅25周年纪念,咁啱又有新呢一集《Civilization VI》,所以开发商Firaxis Games今年真係特别勤力。

究竟《Civilization》呢个系列係玩乜?简单嚟讲佢就係一只4X游戏:eXplore、eXpand、eXploit以及eXterminate。玩家从游戏入面多个来自唔同文明及时间轴嘅领袖当中作出选择,然后带领子民去发展自己嘅文明,一边要不断的去四围体验及开发未知领域,同时又要喺自己的领土入面开发资源,利用资源去扩大自己文明的版图。同外来文明接触会追加外交关係,最终目的当然係将地图上所有非自己的文明消灭啦。


领袖们嘅战斗

嚟到新一集,当然要有啲唔同先可以唔会令Fans失望吧?首先要讲一定係有新领袖。到目前为止2K其实係未全部透露晒游戏入面会登场嘅领袖,有部份于前作都已有登场,而今次试玩入面可以俾我拣嘅领袖分别有阿兹特克嘅蒙特祖马一世(Mocetezuma I)、法国凯萨琳‧梅迪西斯(Catherine de’ Medici)、巴西帝国嘅佩德罗二世(Pedro II)、中国秦始皇、日本北条时宗(Hojo Tokimune)同埋埃及嘅「埃及妖后」克里奥帕特拉七世(Cleopatra)。开发商Firaxis嘅製作人同我讲,蒙特祖马一世会几好玩,因为佢有一个独特嘅军事单位:猎鹰小队,呢个小队利用鹰去攻击敌人,听落好似几过瘾,于是就信佢一次,一于以呢位中美洲古文明之主试玩。

Jack:「中毒度高,值得期待」全港首试《Sid Meier
◆ 「埃及妖后」Cleopatra。Jack:「中毒度高,值得期待」全港首试《Sid Meier
◆ 法国嘅 Catherine de’ Medici严格上来讲唔算係领袖吧,我唔明点解Firaxis会做呢个设定。Jack:「中毒度高,值得期待」全港首试《Sid Meier
◆ 每一个文明都会于唔同发展时代有其独有嘅单位,就好似呢个就係玛雅于早期独有嘅战斗单位。

画面型咗

其实只要你有玩过前作,一坐埋嚟《Civilization VI》前面好快就会上手,因为介面都係差唔多,不过唔少系统上及画面上嘅改变係几明显。不如先讲下画面先啦。地图细緻咗就一定架喇,今次喺已探知同未探知嘅地方之间有一个半灰咗嘅地方,以墨水画风鈎划出地型,就好像古地图咁样,呢个改动我觉得几型。另外城市嘅发展亦会因应时间及科技嘅改进而出现改变,呢方面后文再讲。

Jack:「中毒度高,值得期待」全港首试《Sid Meier
◆ 未探索及已探索地区之间会有一个用上古地区用色嘅地区,我几锺意呢个设定。(游戏开发中的画面)Jack:「中毒度高,值得期待」全港首试《Sid Meier
◆ 地图上嘅细緻部位多咗好多,色彩亦比《Civilization V》鲜艳。(游戏开发中的画面)

分区建筑

另外最重要就係城市嘅发展。以往咁多集大家係可以不停于城市入面起建筑,就以上一集为例,你起到越多嘢,城市本身只係愈嚟愈密,佢起咗乜你根本就睇唔清。嚟到《Civilization VI》,製作团队特别针对呢方面做咗改变。首先就係导入全新嘅分区(District)系统,其实係将城市嘅经济、娱乐、军事等等唔同功能作分区摆放。每个分区必须要係城市範围入面选择一个空地去起,而周遭环境会为分区提供能力加成。所有具有功能性嘅建筑而家都会分别于所属区域度起,唔再好似以前咁密集,视觉上好睇咗好多!

Jack:「中毒度高,值得期待」全港首试《Sid Meier
◆ 每个分区都会以唔同颜色标示,而且入面嘅道路设计都会有唔同,有啲係幅射型,有啲係方格,有啲係圆线。同时大型奇迹建筑都係要另外搵地方起。(游戏开发中的画面)Jack:「中毒度高,值得期待」全港首试《Sid Meier
◆ 每个区域都会因应发展而改变外观,就好似海港咁,愈近现代就会见到愈多机械。(游戏开发中的画面)

国民质素好紧要

帝国嘅发展除咗要不断扩大版图外,发展科技亦都好重要。《Civilization VI》以科技树作为科技发展系统,你可以因应自己喜好去选择自己文明条路点走。每完成一个Research当然会有Bonus同技能提升,同时亦会开启进一步嘅科技发展。除技能树,今集亦加入一个叫做公共机「Civics Tree」,佢同技能树最大嘅唔同就係佢係一个提升文明嘅文化程度同埋人民质素嘅系统,完成Research会为整个文明提供Bonus及能力加成。呢两个系统基本上唔需要太花时间去理佢,因为你选择要Research边个项目之后,系统就会自己去做,十几个Turn后应该会做完。

Jack:「中毒度高,值得期待」全港首试《Sid Meier
◆ Civics Tree係一个发展国民质素好重要嘅工具,我有理由相信某啲国家冇研究呢个系统。(游戏开发中的画面)Jack:「中毒度高,值得期待」全港首试《Sid Meier
◆ 技能树係令自己文明得到长远发展嘅基石,唔可以睇少佢。(游戏开发中的画面)

政府模式有得选择

政治于《Civilization VI》入面嘅比重增加咗,最大原因就係呢个「Government」系统。呢个究竟係乜家科呢?简单嚟讲佢係一个卡牌系统,你可以达成唔同目标获得唔同卡牌,呢啲卡牌主要分别军事、经济、外交以及百搭牌。每款卡主要係强化所属领域,至于可以放几多张卡,就视乎你选择係点样嘅政府。举个例,如果你选择经济为先,你可以放超过多一张经济牌去「Economic Policies」呢个档位,但就可能会损失军事或外交牌位;如果你一心要成为军事强国,「Military Policies」将会俾你放多几张卡,但你于外交或经济方面就未必有咁多选择喇。

Jack:「中毒度高,值得期待」全港首试《Sid Meier
◆ 你可以为自己个政府选择唔同嘅架构。(游戏开发中的画面)Jack:「中毒度高,值得期待」全港首试《Sid Meier
◆ 然后就可以于「Government」呢个版面到将卡牌放入唔同领域嘅Policies Window入面。(游戏开发中的画面)

同外国方丈们打交道

除内政外,外交都係本作其中一个重要一环。要知道地图上所有领袖其实都一个想法:唔係你死就係我亡,所以真係冇永远嘅敌人,同时亦冇永远嘅朋友。当你同其他文明接触时起初都係好客气,但当接触多咗,磨擦就会增加;同时文明之间亦会组成唔同嘅联盟,得罪一个可能背后会有另外几个文明会向你宣战。我玩时发现一个问题,就係所有A.I.都好进取好Aggressive,就好似我只係有队兵嚮巴西帝国边间前两格行过,我即刻收到Pedro II嘅声讨(Denounce);我起咗一个金字塔,秦始皇又走出嚟声讨我(原因话我拥有嘅Wonders多过佢,黐线!);当我有一个伟人诞生,日本嘅北条又声讨,因为我拥有嘅伟人数目比佢多,俾咁多方丈围住,好恶打!

Jack:「中毒度高,值得期待」全港首试《Sid Meier

◆ 外交上面其实都係讲双边利益,要维繫两方关係,倾盟约时唔好狮子开大口,但亦都唔係令自己蚀底。同埋一个领袖越係锺意你,你开嘅条件就算有几辣都可以偷到鸡。(游戏开发中的画面)

Talk with Dev

玩到咁上下,我就同2K International嘅高级传讯经理Wouter吹两咀。从佢口中我知道由今日到出Game前呢2个月左右仲会有新领袖嘅资讯发表。咁我就追问,今集同样都会有维多利亚女皇出现,我想知今集嘅女皇同上一集嘅女皇于性格及行动特色上会唔会有分别呢?Wouter就话两者係会有分别,仲要係好显着,就算于《Civilization V》用过女皇,去到《Civilization VI》再用女皇都唔会觉得闷。

另外今集取消咗Worker呢个工作单位,改为Builders。Builders可以起嘢,但每个单位只能做3次工程,完成后个单位会消失,你又要再生产过先有人帮你起嘢。仲有一样我觉得好紧要,就係「路」于今集游戏嘅角色改变咗。上一集你可以于每一个Cell都起路,当你设定Worker自动做嘢,佢就会帮你丧起路,最后搞到成个地图都好似一张网咁全部都係路。呢个问题就係其中一个唔要Worker嘅原因,另外就係唔想因为路而影响到城市设计。Wouter讲,起初路都係由商旅走出嚟,所以于游戏早期至中期,路多数都只係连结城市;当你可以生产识起路嘅兵种后先可以自己起路,但要留意就係今集嘅路係唔可以同其他建筑共同Share一个Cell。

我有问Wouter有冇Tips俾到大家玩得容易啲开心啲,佢就话如果想早期拥有Unique Unit,咁就一定要玩阿兹特克或者埃及;如果想容易建议奇蹟建筑,可以试用中国;想玩分区管理就一定要玩日本;想要同其他国家斗串咀,法国最啱。大家不妨Mark低,等只Game出时可以跟住一试。

Jack:「中毒度高,值得期待」全港首试《Sid Meier

◆ 2K特别请嚟佢(地)嘅 高级传讯经理Wouter Van Vugt到嚟主持今次试玩会,并同时解答问题。

预购优先玩

虽然话只game 10月21日先出,不过预购就已经展开,而家做Pre-order就可以于游戏开售当日抢先玩到「蒙特祖马一世」呢个领袖。生于1398年嘅佢係领导阿兹特克文明嘅伟大领袖,係特诺奇提特兰城嘅第五代国王,更係阿兹特克嘅第二位皇帝。佢最巴闭就係嚮其29年嘅任内统一咗阿兹特克帝国并完成扩张,同时亦对帝国颁布一系列嘅禁奢律法,用以约束当时贵族同特权阶层嘅浮华奢靡之风。唔Pre-order是咪代表冇得用呢个Leader呢?当然唔係啦,90日后就免费开放俾所有玩家玩架喇。

总结

作为呢个系列嘅Fans,《Civilization VI》冇令我失望,甚至令我觉得会比上一集更好玩,因为元素真係多咗好多,单单个分区已经令到城市规划变得重要,再加上画面係靓咗,成件事係过瘾。唔知係唔係仲係开发中嘅关係,各电脑A.I.都好方丈,郁下就嬲猪我。至于Barbarian亦比以往咁多集进取好多,四围起Camp Site之余仲会周围撩交打,好烦!整体上来讲,呢只Game中毒度好高,係一只值得大家期望嘅作品。至于对PC嘅硬件要求,目前都未有官方资料提供,不过我估计同前作《Civilization:Beyond Earth》差唔几。

《Sid Meier’s Civilization VI》

游戏开发:Firaxis Games

游戏发行:Take-Two Interactive

游戏类型:回合制战略

游戏平台:PC

游戏人数:1人

推出日期:

游戏网页