Jack:「五十波更精彩」《Gears of War 4》重

  • 作者:
  • 时间:2020-06-07
Jack:「五十波更精彩」《Gears of War 4》重

作为一个《Gears of War》嘅铁粉,《GOW4》嘅推出当然十分期待。依家只Game都出咗一排,我亦都玩咗一排,就同大家讲一讲今集究竟令我惊喜定失望呢?

讲真玩过咁多集《GOW》,我仍然觉得《GOW2》係最好玩最正。至于最衰就一定係《~Judgment》,我一直认为《~Judgment》根本就只係《GOW3》嘅DLC,唔知係咪有人等钱使将佢当新作,结果就搞到高不成低不就,而且入面好多改动都好不知所谓,个Survival Mode就已经令唔少人闹到反艇。沉澱咗几年,《GOW4》以首次登上Xbox One平台嘅戏势,以今年Xbox One最强人气游戏嘅姿态登场,气势?老老豆豆全世界都唔多觉有咩炒作,只Game出街都係静静咁出,我就觉得係《GOW》史上出得最冇声气嘅一集。

世代交替

嚮《GOW3》,Marcus Fenix同埋佢嗰队Delta小队嘅故事其实已经完咗,今集就改以佢阿仔挂帅。咁都有得世袭?咁唔搵佢个仔做主角,又点可以喺故仔入面见返Marcus佢老哥呢?好明显佢嘅出场就係要做「世代交接」呢个工作,成唔成功?我觉得OK嘅,小队加返个女角亦明显常做返个性别平衡。故仔呢,其实真係冇咩惊喜,详细就唔剧透喇,费事俾人咒。

Jack:「五十波更精彩」《Gears of War 4》重

◆ Marcus会係最后一次登场吗?

Jack:「五十波更精彩」《Gears of War 4》重

◆ 今集游戏画面係系列当中最靓,PC方面有张劲卡的话仲可以出到4K。

新生五十波

我反而想讲多啲Horde 3.0,即係新「五十波」。Horde 2.0係《GOW 3》时代嘅事,当时改动非常大,好似我呢类老屎忽玩起上嚟真係唔觉好玩。去到Horde 3.0,明显係吸收咗玩家嘅意见,有返Horde 1.0时嘅风味。今次Horde 3.0继续要各玩家先选择职业入Game,分有侦察兵、重装兵、狙击手、工程师以及士兵,有咩分别呢?各有唔同特殊能力,好似重装兵咁,佢哋用重型武器如慕丘或机枪塔等係会有攻击力加乘;狙击手就係有爆头威力加乘;工程师就係起防卫工事及炮塔係有折扣之余,维修亦平啲;侦察兵就係执钱量特别多等等。

而喺一开局都需要大家将装配机放置好,呢个装配机有咩用?一来係一个储钱箱,大家执到嘅钱都要放入去先可以全队通用;其二就係可以起机枪塔及其他防御工事;其三就係当有队友死咗,其他人执走跌出嚟个军牌后,就要拎个军牌返去个装配机等队友重生。

Jack:「五十波更精彩」《Gears of War 4》重

◆ 五十波3.0,係好玩咗好多!

Jack:「五十波更精彩」《Gears of War 4》重

◆ 开Game前入Lobby就係可拣用咩兵种,以及再设定加装咩卡牌。Level越高,可以装嘅卡牌就越多。

Jack:「五十波更精彩」《Gears of War 4》重

◆ 维修就留畀返工程兵。重装兵用嘅炮塔攻击力係会比其他兵种劲好多。

Jack:「五十波更精彩」《Gears of War 4》重

◆ 装配机可以讲係一个基地,起嘢储钱重生都靠佢。

分工合作

钱,呀唔係,应该係电,于新五十波入面起非常重要嘅作用,每当杀死敌人都会有电跌出嚟,而己方起任何防御工事同维修都需要花费电,尤其去到近打波士阶段,如果冇电去维修同起劲炮,九成都会俾大佬秒杀。点样先可以赚得多钱又起得平?我同我Team人就係咁做嘅:至少有一个人係侦察兵,并加装执钱有Bonus嘅技能;同时另一个就做工程兵,追加起嘢及维修有折之余,工事耐久度亦有加持。每一波入面打死人所跌嘅电除侦察兵外其他人都唔好去执,每当每一波打剩4个人侦察兵就出动去丧执钱。而工程兵主力就係补弹维修同整嘢,队内其他人就唔好搞,我哋会话唔係工程兵但又自把自为走去装配机买嘢嘅行为做「穿柜桶底」。呢个行为好乞人憎,大家咪学。

Jack:「五十波更精彩」《Gears of War 4》重

◆ 执电呀喂!

课金Upgrade?

上面题到各个兵种都可以追加技能,呢啲技能边度嚟?其实《GOW4》引入一个卡牌系统,每张卡牌代表对某一兵种嘅强化技能。卡牌仲分成持久战专用牌、对战专用卡牌、故事专用卡牌等。呢堆卡牌于每次完成游戏、利用In Game钱或课金都可以买到。问题嚟喇,讲到啲卡牌咁重要,咁是咪一定要课金先?我就又觉得唔一定,因为好似我咁打一次50波,成功打完嘅话都可以赚到三千几In Game Credits,买一个精英箱(内含5张高阶卡牌)係有余,如果你只係买普通牌,500 Credit就买到5一个普通箱,都有机会抽到好嘢。所以我认为,除非你唔想花时间去打Credit抽卡,否则真係可以唔需要课金。

Jack:「五十波更精彩」《Gears of War 4》重

◆ 卡片套件可以用In Game Credit买,又或者用真钱课金。

Jack:「五十波更精彩」《Gears of War 4》重

◆ 套件入面包有5张卡牌,其能力及稀有度都係随机(好似係)。

Jack:「五十波更精彩」《Gears of War 4》重

◆ 卡片可以Level Up,当你同一张卡有多个一张的话,千祈唔好卖咗佢,留返用来Upgrade咗先仲实际。

老友LFG

成功打过两次五十波,我觉得《GOW4》係比以往嘅五十波易打,或者可能我仲未够Level上困难或疯狂,未见到真正嘅地狱。而今次五十波係有返《GOW2》嘅紧张感,《GOW3》时见到蜈蚣会觉得好冇助,但今次双方能力平衡係好好多,双方都冇话拥有一面倒嘅能力。由于继续有分工,所以对于队友之间嘅合作仍然有要求,我试过同4个街客打,打到35波就冇办法继续,因为冇一个做指挥及提场,所以我觉得最少都要同3个Friend一齐上去搵街客先有胜算,而重点仲要係大家有咪,因为唔讲嘢的话同夹街客係冇分别。大家Online见到的话,不彷打个招呼,大家一齐由头打到尾,妙哉妙哉!

《Gears of War 4》

游戏开发:The Coalition

游戏发行:Microsoft Studios

游戏类型:TPS

游戏平台:Xbox One / PC

游戏人数:1至

游戏售价:

推出日期:已推出

游戏官网

PC版系统要求

Jack:「五十波更精彩」《Gears of War 4》重

P.S. 想要出4K,「理想规格」係最低要求