Jack:Xbox One S行货嚟喇!带你睇游戏盛典有几鼎

  • 作者:
  • 时间:2020-06-07
Jack:Xbox One S行货嚟喇!带你睇游戏盛典有几鼎

上星期本港游戏业界够晒热闹,大家当然好关心PS4新机,其实Xbox亦嚮上星期搞咗个一年一度嘅「Xbox游戏盛典」,规模唔算大,好多都仲係E3料,不过其中都有啲嘢值得同大家介绍返。

Xbox One S主机终于有行货

话说个Event嚮数码港Microsoft个Office搞,大老远入到去好在有好消息!11月28日将会有全新嘅Xbox One S香港行货上市,不过目前只知当日係推出《Gears of War 4》限量版Xbox One S主机,颜色係血红色,上面仲有战斗痕迹,更有雷射抓痕;无线手掣亦当然係红色,上面有加上染血指纹。部机内置2TB容量,不过并唔係Elite,亦冇跟Kinect感应器。跟机会送《Gears of War 4》Xbox One及Windows 10版本完整游戏下载序号,同时会跟有《Gears of War 4》Season Pass及8个额外装备。我呢个作为《Gears of War》嘅Fans见到部机当然开心到喊,不过$3,580呢个标价我真心觉得贵,而且个手掣红得有啲胶,要扣分。另一个我到而家都唔明点解嘅一件事就係:《Gears of War 4》就10月11日出街,点解部特别版机要迟个几月先出?有心买嘅《Gears of War》Fans好唔好10月买Game呢?喂部机有Game送喎!咁等到11月先买机连Game,咁咪迟咗其他人个几月先开Game啰?上去玩Multiplayer容乜易俾人轮?

Jack:Xbox One S行货嚟喇!带你睇游戏盛典有几鼎
◆ 微软亚洲区Xbox及Windows游戏主管Zeph Stuart亲自公布《Gears of War 4》Xbox One S 2TB版主机于本港推出,係开心嘅。Jack:Xbox One S行货嚟喇!带你睇游戏盛典有几鼎
◆ 对于呢部GOW版Xbox One S我係有啲心动。Jack:Xbox One S行货嚟喇!带你睇游戏盛典有几鼎
◆ 个掣係靓嘅,可惜胶感比较重。

《Gears of War 4》GOW味返晒嚟

大会当日除发布新机消息外,亦有几只即将推出嘅游戏试玩,仲请到製作人嚟到香港同媒体倾下偈。不过好多试玩内容其实係同E3时一样,有留意E3消息嘅绝对唔会有惊喜。我就先同Microsoft亚洲区Xbox Games Lead嘅Barrie Ooi倾下《Gears of War 4》,仲试玩咗一个章节。感觉係比之前个Beta好咗好多,有返「Gears」嘅Feel。目前已知就係只Game会支援「Xbox Play Anywhere」,即係你有Xbox One版本,你就可以嚮Windows 10上面玩,个Save互通,进度亦互接。咁PC要行《Gears of War 4》要点配备?Barrie就话GeForce 980已经可以Full [email protected],但就开唔尽所有效果。想玩4K,就一定要GTX 1070以上喇。至于要玩「Xbox Play Anywhere」,Xbox方面必须要係金会籍会员,PC方面呢?冇金会籍呢样嘢,即係唔驶另外俾钱。好多支援「Xbox Play Anywhere」嘅Game都係PC同Xbox One玩家互通,呢个策略究竟行唔行得成我就係好有兴趣想知。讲返只Game,故事方面以Fenix个仔JD为主角,不过Barrie话Fenix係一个重要角色,不过更多相关故事设定佢就唔肯多讲。50波嘅Horde Mode 3.0亦会出现,而且今次每个队员都会担起一个职位,如工程师、狙击手、支援、攻击等等。整体感觉上《Gears of War 4》係比《~Judgment》好得多,前3集嘅感觉返晒嚟,希望呢个Game Trial冇呃到我啦。

Jack:Xbox One S行货嚟喇!带你睇游戏盛典有几鼎
◆ Barrie Ooi原来都係《Gears》超级Fans喎!Jack:Xbox One S行货嚟喇!带你睇游戏盛典有几鼎
◆ 试玩就係玩呢个Dam Demo,其实係E3个Build。Jack:Xbox One S行货嚟喇!带你睇游戏盛典有几鼎
◆ 相比起年初嘅Beta,今次呢个Build好好多喇,《Gears》味返晒嚟。

《Dead Rising 4》极度搞鬼

另一只我觉得值得讲下嘅Game就係《Dead Rising 4》,第一集嘅Frank返嚟做主角喇,今集多咗恶搞嘢,可以同啲丧尸玩Selfie,又可以整啲奇怪武器,就好似汽车电池加斧头就可以做电能斧。另一个新加装备就係Exo Gear,着起佢之后Frank会力大无穷兼走得更快,不过件Gear会耗电,用完就会自动脱落。来自Capcom Vancouver製作室嘅Jon Airhart表示今集游戏个版图比《Dead Rising 3》又再大得多,可以俾玩家四围走嘅地方更加多,同时Frank会继续以Photo-journalist呢个身份进行游戏。今次佢部相机除咗用来影相交稿外,仲付有特别功能,可以睇到肉眼睇唔见嘅线索。只Game预定11月见街,应该唔会Delay,因为个Trail已经觉得个完成度好高。

Jack:Xbox One S行货嚟喇!带你睇游戏盛典有几鼎
◆ Jon绝对係一个Funny Guy,同佢倾偈係一件开心事。Jack:Xbox One S行货嚟喇!带你睇游戏盛典有几鼎
◆ 电能斧出场!!Jack:Xbox One S行货嚟喇!带你睇游戏盛典有几鼎
◆ Frank部相机只要换支镜,就会睇到肉眼见唔到嘅嘢。Jack:Xbox One S行货嚟喇!带你睇游戏盛典有几鼎
◆ 玩Selfie原来有评分。Jack:Xbox One S行货嚟喇!带你睇游戏盛典有几鼎
◆ 放电高卡车真係好正,睇到啲丧尸电到弹高几米係爽到爆灯。

《Forza Horizon 3》预订开催

最后一只值得一提嘅Game就係《Forza Horizon 3》。只Game会于9月27日出,我个人对此Game观感就一般,锺意玩Rally或街赛嘅朋友会比较合适,最紧要就係只Game风格好「鬼佬」,绝对唔中我。只Game而家已经有得预订,会送2015 Ferrari 488 GTB及2016 Audi R8 V10呢2部车作为预娥特典,定价係标準版$419,终极版$637。如果任何Xbox One主机时预订《Forza Horizon 3》,除上面两架车,仲多送Forza车轮型工具箱或1:43 Lamborghini Centenario跑车模型,再送$150预付卡一张。如果你买嘅係1TB主机,你可以得到一个免费无线手掣或$300预付卡;如果你买嘅係500GB主机,咁你可以8折即$311换购无线手掣。如果订Game、买机及订Game的话,会再多送2016 Jaguar F-TYPE Project 7。

Jack:Xbox One S行货嚟喇!带你睇游戏盛典有几鼎

◆ 微软《Forza》全球产品经理Chris Bishop示範咗一转以澳洲为舞台嘅Demo,我自己就觉得只Game冇太大特别,同前作好相似。